النسر السوري Admin
عدد المساهمات : 37 نقاط : 15638 السٌّمعَة : 0 تاريخ التسجيل : 12/11/2011
| موضوع: سوريا اليوم الأربعاء أبريل 17, 2013 1:46 pm | |
|
سوريا اليوم . . . هي حديث الصحف والاخبار.... والخبر العاجل الي صرنا نشوفو ليل نهار.... والحيرة الي بتخوفنا اذا كان الوضع هادي... هي البيوت الي فضيت وهربو منها السكان... شي مات وشي اتغرب وشي تشرد بالشارع أو انهان.... هي قلب محروق وعم يبكي ويقول شو صار فيكي يا بلد.... وناس مجروحة وعم تشكي شقا عمرها يلي ضاع للأبد... هي نازح ولاجئ ومهجر وبيت مسروق ومحل مدمر.... هي الحسرة والحنين لأيام زمان.... وللمحبة وراحة البال ونعمة الأمان.... هي الشام بالليل معتمة وحزينة..... وبالنهار الدخنة معبية سما المدينة..... هي خاطر مكسور ودمعة بالعين وألم وهم... البال شاغلين... ومن الوجع الوجوه عالضحك مو قادرة... هي الشوق لصحابنا وحبابنا يلي صارو بعاد.... ولأيام البسط والجمعات يلي راحت وما عاد تنعاد.... هي وبالرغم من كل شي حكيتو بتضل عزيزة.... وعشقها والتمسك فيها بالنسبة الي غريزة.... هي حبي وملاذي مهما الزمن جار..... وباذن الله رح ابقى فيها لو شو ما صار.... رح ابقى عأمل بكرا يكون احلى والغيّاب يرجعو ... رح ابقى عأمل الغيمة السودا تمشي وتتركنا .... وبالاخير رح ابقى على يقين انو كل شي حصل لخير.... وحتفرج بإذن رب العالمين
| |
|